Ospakizunaren ardura Inaxio Garro alkateak edukiko du. "Batzuentzat bataio zibila dena beste batzuentzat atxabaltarron komunitatera ongietorri ekitaldia da", azaldu du Garrok. Halaber, ospakizun erlijiosoak alde batera utzi eta kutsu zibila duten ospakizunak aukeratzen dituzten herritarrak, ezkontza zibilak batez ere, gero eta gehiago direla gaineratu du.
Ospakizunak berak balio legalik ez badu ere, akta sinatu egingo da.
Ekimenean Haurraren Eskubideen Aitorpeneko ondoko artikuluak irakurriko dira:
- 6. art.: "Haurrak bizitzeko eskubidea du, eta baita nortasuna propioa osorik garatzekoa ere".
- 12. art.: "Haurrari eragiten dioten erabakiak hartzerakoan, bere iritzia ere entzun beharra dago".
- 27. art.: "Haurrak eskubidea du heziketa fisiko, mental, esperitual eta soziala izateko. Era berean, hezkuntzarako eskubidea ere badu, eta irakaskuntza askatasuna aitorzen zaio".