Enpresa berriei dagokienez, hona bete beharreko baldintza batzuk: Aretxabaletan izatea lantokia eta gehienez urtebeteko lan jarduna; eta bideragarritasun plana eginda izatea. Iragarritako diru-laguntzak izango dira inbertsioak egiteko, lokalaren egokitzapen eta ekipamenduetarako, eratze gastuetarako… Eta gehienez 7.000 euro emango dituzte. Udalak 36.800 euro bideratu ditu laguntza horietara.
Kontratu berriak bultzatzea
Bestalde, enpresek –50 langile baino gutxiago duten lantegiak, autonomoak, komertzioak…– kontratazio berriak eginez gero diru-laguntza eskatzeko aukera dute. Kontratua mugagabea bada 2.000 euro jasoko ditu enpresak –lan jardun osokoa izanez gero– eta urtebetekoa baldin bada, 1.000 euro. Laguntza horietara 50.200 euro bideratu dituzte.