Ospatu daidan, daigun leloarekin dator Euskerien Eguna eta dagoeneko salgai dituzte herri bazkarirako txartelak: Gurea, Orly eta Urbaltz tabernetan eta Loramendin. Gastronomi elkarteek gertatuko dute bazkaria 200 bat lagunendako: entsalada, okela gisatua eta ijito besoa; baita kafea eta kopa ere. Bazkide eta ikasleendako 16 euroko prezioa du txartelak eta gainerakoendako, 19 euro.
Kamisetak eta zapiak salgai
Bestalde, jai egun bezperan, maiatzaren 13an, taberna jarriko dute Durana kalean eta kamisetak eta zapiak salduko dituzte. Kamiseta bereziak izango direla iragarri dute, "dotoreak", eta ospakizunez betetako urtea aintzat hartuta egin dituzte. Zapiak, ostera, Euskerien Eguna girotzeko izango dira –eta San Migel jaiak irailean– eta Dakigunok eindaigun leloa dute.
Ekitaldiz betetako jaia iragarri dute antolatzaileek: kopla poteoa, txalapartariak, ibilaldia, bazkalostean Loramendi Tribial Pursuit jolasa, Larrin dantza umeendako ikuskizuna… Larrin dantza dotorea izan dadin entsegua egingo dute eguenean, hilak 12, udaletxe zaharrean (18:30)