Egurrezko panelak herriko 12 gunetan jarri dituzte, eta gogorarazi dute beste kontu batzuetako propagandarik ezingo dela jarri bertan, bakarrik hauteskundeei dagokiena.
Araudiak dioena
Hona adostutako araudiak dioena:
- Hauteskundeetara aurkezten den alderdi politiko bakoitzak panel bana izango du gune bakoitzean (guztira, gune bakoitzean 6 panel egongo dira), eta dagokion espazioa errespetatuko du.
- Alderdi bakoitzak propaganda maiatzaren 6tik 20ra bitartean jarri ahal izango du.
- Gune bakoitzean, bakarrik propaganda elektorala jarri ahal izango da.
- Propaganda guneetatik kanpo jartzen diren kartelak kendu egingo dira ikusi orduko.
- Kolaren ordez, zeloa erabili beharko da kartelak ipintzeko, ahal den gutxien hondatu daitezen (aurrerantzean ere erabili ahal izateko panelak).
- Kartelen bat kentzen baldin bada, alderdi bakoitzak izango du berria ipintzeko ardura.
- Gainerako alderdien kartelekiko, erabateko errespetuz jokatuko da.