Moda desfilea egingo du Belar Meta jantzi-dendak gaur, hilak 15, Durana kalean (19:00). Arratsaldea girotzea da helburua eta bide batez Aretxabaleta Kirol Elkarteari laguntzea. Hala, taberna jarriko dute horiek mokadutxoa eta edatekoa eskainita dirua batzeko.
Jantzi-dendako arropak erakutsiko dituzte desfilean; ekitaldia disko jartzaile batek girotuko du eta Imanol Gallego kazetari arrasatearrak aurkeztu. Herritarrak ibiliko dira modelo lanetan, eta tartean izango dira Ainhoa Sanchez miss Euskadi eta UDAko futbol jokalariak.
Gainera, umeendako jolasak egingo ditu UDAk arratsalde partean: 3x3 futbol eta saskibaloi txapelketak.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.