Lehen ere bazegoen pasealeku txiki bat Belorrieta auzunearen parean, eta hori txukuntzen dabiltza orain hondeatze-makinak. Hala, Loramendi kalean, Ibai Gain gastronomi elkarte parean, hasi eta Iturrizar plazaraino egokituko dute pasealekua Deba ibaiaren ertzean. Oraingoz lurrak ateratzen dabiltza bertatik Bruesa enpresako langileak, eta gero oinezkoendako pasealekua egokituko dute. Horiek guztiak egindakoan Andramari auzune parean dagoen zubia herritarrendako zabalduko dute, pasealeku berrira eta Txarapea ibilbidera jo dezaten bertatik.
Langileek ez dute zehaztu lanok zenbat iraungo duten baina laster bukatuko dituztelakoan daude Udal ordezkariak.