Udaberriko zozketa egin du Aretxarte merkatarien elkarteak eta Begira argazki-dendan banatutako txartel sarituaren jabea Leire Arana izan da. Formula 1eko Espainiako Sari Nagusia ikustera joateko sarrera bi eskuratu ditu.
Begira argazki-dendako Anek eman dizkio Montmelo zirkuituan maiatzaren 22an jokatuko den Formula 1eko Espainiako Sari Nagusia ikustera joateko sarrerak. Gainera, aste bukaera Bartzelonan pasatzeko hoteleko egonaldiko txartelak ere jaso ditu. Pozik agertu da Leire sariarekin, baina ume txikiak tarteko ez du joaterik izango. Hala ere, sarrera horiek ondo aprobetxatuko dituztela ingurukoek jakinarazi du.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.