Cegasa Taldean egiten du lan Uribetxebarriak, Gasteizen, eta bi seme-alabaren aita da. Euskarari lotuta egon da urte askoan; izan ere, Aretxabaletako Komunikabideak-Loramendi elkarteko presidente izan zen 1998-2000 artean, eta Atxabalta Telebistaren sortzailea. Goienaren sorreran ere egon zen 2000. urtean.
Udal jardunaren berri ere badu Uribetxebarriak, 2003 eta 2007 agintaldian Udal gobernuko zinegotzi izan zen. EAJko alderdikideak sinistuta daude industri enpresako "kudeatzaile zorrotz eta trebatua" izateak Aretxabaletak behar dituen bermeak eskainiko dituela. Eta jakinarazi dute "barne kudeaketa birbideratu, herria biziberritu eta herri gisa kalitate eta eraginkortasun gaitasuna berreskuratzea" izango direla EAJren helburu nagusiak.
Uribetxeberriak jakinarazi digu ilusioz ekingo diola lanari "talde lanean jarduteko ilusioz".