Eguerdiko 12etan egingo dute sari emate ekitaldia. Aretxabaletako udaletxean izango da eta bertan izango dira sarituaz gain Markeo Olano Gipuzkoako Diputatu nagusia, Arantza Tapia Mugikortasuna eta Lurralde Antolaketako diputatua eta Inaxio Garro Aretxabaletako alkatea. Onuradunaren izena orduan emango dute aditzera.
Txartel bereziaren jabeak doan bidaiatuko du Lurraldebus sisteman dauden hiriarteko zein urbanoetako autobusetan 2012ko apirilaren 1 arte, hau da, urtebete doan izango ditu Lurraldebuseko bidai osoak.
Arrasatetik Bilbora bus gehiago
Gaurko ekitaldian, Arrasatetik eta Mutrikutik Bilbora martxan jarriko diren zerbitzu berrien aurkezpena egingo dute. Izan ere, joan zen astean Arantza Tapia diputatuak Goienan aurreratu zuen moduan, Arrasatetik Bilborako buseko joan etorriak bikoiztu egingo dira. Bizkaiko Diputazioarekin egindako hitzarmena dela-eta, Bizkaibusek Arrasteraino emango du zerbitzua, Elorrioraino beharrean.