Aratuste jaiak gaur hasiko dituzte aretxabaletarrek Leizarra musika eskolakoek Karnabal Jaia aurkeztuta; egun handia, baina, domeka da.
Mozorrotutako koadrilen eguna da domeka eta eguerdiko kalejirak girotuko ditu bazterrak. Copreci lantegi ingurutik atera eta Araba ibilbidetik behera, Mitarte eta Durana kaleak pasatu, eta Errekabarrenetik Andramari auzuneari buelta emango diote, Herriko Plazan bukatzeko.
Kalejiran dabiltzanek mozorro lehiaketan hartuko dute parte eta bi taldetan sailkatuta banatuko dituzte sariak –bost bakoitzean–: 16 urtetik beherakoendakoak eta gorakoendakoak. Sariak banatzerakoan plazan bertan egon beharko dutela koadrilek iragarri dute Kultura Saileko kideek, bestela ez dute-eta saririk jasoko.
Hona Aratusteetarako gertatutako egitaraua:
Martxoaren 4a, egubakoitza
- 17:30, 'Karnabal Jaia' kalean musika eskolakoekin.
Martxoaren 6a, domeka
- 10:30, Diana txistulariekin.
- 11:45, Txino dantza, kalean.
- 12:00, koadrilen kalejira.
- 17:00, Erromeria, plazan.
- 17:30, kalejira Akelarre txarangarekin.
- 18:30, Mozorro lehiaketaren sari banaketa, plazan.
- 19:00, Santa Ageda neska-mutilen dantza saioa.
Martxoaren 8a, martitzena
- 10:30 Ikastetxeetako umeen dantza saioa, plazan.
- 11:00 Kalejira La Najerana txarangarekin.
- 11:30 Umeendako mokadutxoa eta dantza.
- 16:00 Dantzaldia txarangarekin, plazan.
- 17:30 Buruhandiak.
- 18:00 Disko festa, plazan.
- 20:00 Txin-en hileta plazan, kintoek gidatuta.