Garrok esan du gai honen inguruan azken aldian Diputazioan "zerbaitetan" ibili diren arren, herritarren beharrak ez direla aseko. Gaineratu du, azken hilabeteetan informazio falta izan dutela eta aurreko astean Mankomunitatean izan zuten bileran Arantza Tapiak esandakoak ez zizkiela "gehiegi lagundu".
Hala ere, beste alde batetik uste du tranbiaren aurretiko proba moduan bus azkarraren proiektua gauzatu daitekeela eta gauzatu beharko litzatekeela; baina "behin-behineko itxura" hartzen diola horri.
Herri barruko antolamendua planteatzerako orduan, tranbiarako lehendik pentsatuta zeuden trazatuak aprobetxatu gurako dituztela azaldu du Garrok.