Irailean egindako lehenengoa legez Mitarte kalean jarriko dituzte postuak, eta eguraldi txarra eginez gero Iturrigorri pilotalekura joatea erabaki dute. Hona parte hartuko duten denda eta ostalaritza zerbitzuak: Kilima, Haurrak, Zare, Asensio, Belar Meta, Zubia, Leintz mertzeria, Kioskoa, Maria Jesus argazkilaria, Txilarra, Gertu eta Orly taberna.
Gainera, disko jartzaile bat etorriko da azoka girotzera, eta beste ekitaldi batzuk ere izango direla iragarri dute. Azoka itxi aurretik zozketa egingo dute bezeroen artean; saria izango da bi lagun aste bukaera pasa joateko bidaia txartelak.