Akordioa gizarteratzeko hartutako konpromisoa beteko dute gaurko ekitaldiarekin. Gorka Etxabe kazetariak aurkeztuko du eta Oier Sarasua eta Aitor Ziardegi aretxabaletarren doinuek girotuko dute. Ondoren Gernikako Akordioa zer den argitzen duen bideoa eskainiko diete elkartutakoei.
Elkarte, talde eta aretxabaletarren atxikimendu eske jardun dute azken asteotan sinadurak batuta, eta zein elkarte eta taldek eman dieten babesa jakinaraziko dute gero. Bi elkarte horietako ordezkariek Gernikako Akordioak jasotzen dituen konpromisoak irakurriko dituzte.
Eta aurkezpen ekitaldia bukatu aurretik otsailaren 26an izango den ekitaldi nazionalean parte hartzera gonbidatuko dituzte herritarrak.