20 galderako galdetegia jasoko dute herritarrek etxean datorren astean. Horren helburua da herritarren behar eta kezkei molde abertzale eta ezkertiarretik irtenbideak proposatzea gero. Galdetegi hori Urbaltz tabernan eta elkartean eta udaletxe zaharrean jarritako postontzietan utzi beharko da. Gainera, hilaren 23an, eguaztena, Mitarte kalean izango dira Ezker Abertzaleko kideak otsaileko ekimenen berri eman, galdetegiak jaso eta edozein eratako zalantzak argitzen.
Urkulu, kirola eta kultura aztergai
Bestalde, otsailaren 26an, zapatua, Boteprontoan. Aretxabaletaren gaineko sentipenetatik, herriaren gaineko azterketa osatzera ekimena egingo dute. Aretxabaletarrak herriaren gainean dituzten sentipenak konpartitzera gonbidatu gura dituzte, eta Urkulu, kirola eta kultura izango dira landuko dituzten gaiak. Arkupen elkartuko dira (11:00), lehenengo talde txikitan, eta gero, elkartutako guztien artean iritziak trukatu eta ondorioak aterako dituzte. Herriaren azterketaren berri, ostera, martxoan emango du Ezker Abertzaleak.