Tomas Fernandez Ezker Batua-Berdeak alderdiko kide izan da sorreratik eta "zail egin" zaio alderdia lagatzea, baina erabaki irmoa eta ondo hausnartutakoa dela adierazi du, Ezker Batua-Berdeak alderdiaren antolakuntza ereduarekin "erabateko desadostasuna" duelako.
Fernandezen ustez, EB-Berdeak alderdiak muzin egiten die Euskal Herrian "ezkerra batzeko egiten diharduten mugimenduei, aldebakarreko estrategia darama eta akordiotara heltzeko borondaterik ez dauka". Horregatik, erabaki du Alternatiba alderdira pasatzea, aurretik beste alderdikide batzuek egin duten moduan.
