Loramendi Elkarteko arduradunen esanetan bazkide berriak euskararen erabilera sustatzeko proiektuak pertsonalki eta ekonomikoki babesteko aukera izango du: "Izan ere, Aretxabaletan euskararen erabilera sustatzea da Loramendi Elkartearen helburu nagusi bakarra sortu zenetik". Era berean, elkarteko bazkide aktiboa ere izango da bazkide berria eta hainbat abantaila izango ditu: "Loramendiren berri etxean jasoko du eta ekintzetan eta produktuetan deskontuak izango ditu". Egun 450 bazkidetik gora ditu; ikasleendako debalde da bazkidetza eta gainerakoendako 25 euro.
Produktuen katalogoa
Bestalde, Loramendik 25 urteko ibilbidean ateratako produktuen katalogoa osatu dute, herritarren eskura jartzeko. Zortzi produktu daude, berrienen artean Aretxabaletako ibilbide historikoaren liburuxka. Produktuak bertatik bertara ikusi eta eskuratzeko Loramendira jo behar da.