Abenduaren 31n jarriko dute ikurrina Herriko Plazan

Herritar batzuek -herriko hainbat elkartetako ordezkariek eta hainbat alderditako zinegotzi ohiek babestuta- egindako eskaera onartu egin du Udalak eta ikurrina handia jarriko dute Herriko Plazan. Egubakoitzean, abenduak 31, egingo duten igoera ekitaldira herritar guztiak gonbidatu gura dituzte (19:30).

Ikurrina jartzeko hagaren zain egon dira azken asteotan eta behin iritsita, atzo goizean, igoera ekitaldia egingo dute egubakoitzean. Txalapartariek eta txistulari eta dantzariek girotuko dute eta herritar guztiak hurrera daitezela babesa ematera gura dute antolatzaileek.

Ekitaldia 19:30ak inguruan izango da, Bizar Zuri pasatu ostean, eta Etxeratek antolatutako elkarretaratzea bukatutakoan (19:00).

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.