Abesbatzaren Gabon kontzertua Otañoren kantuekin

Emanaldi berezia du Aretxabaleta Abesbatzak domekan, hilak 26, parrokian (19:00). Urtero egin izan duen Gabonetako kontzertua Nemesio Otaño konposatzailearen omenez egingo du aurten. Hala, irailean egindako diskoa aurkeztuko du herritarren aurrean. Era berean, aurten ospatu duen 30. urteurreneko ekitaldiei bukaera emango die kontzertuarekin.

Nemesio Otaño konposatzaile jesuitaren kantuekin egindako diskoa –Nemesio Otañoren omenez– irailean aurkeztu zuen abesbatzak Loiolako Inazioren santutegian. Domekan gurean erakutsiko dute eta konposatzaile azkoitiarra protagonista duen emanaldia gertatu dute; beste abesti batzuen artean, sei Otañok egindakoak izango dira; tartean, Lagun zaiguzu, Izar eder eta Ave Maria.

Abesbatzak Jose Luis Franzesena organo-jotzailea izango du lagun eta abesti bi organoarekin bakarrik eskainiko ditu: 2 Noel eta Gabonetako euskal abestiak.

Hala, ekitaldiz betetako urtea bukatuko du Aretxabaleta Abesbatzak; hain zuzen, 30 urteko ibilbidea jaso duen DVDa eta Otañoren diskoa aurkeztuta.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.