Urtubik berak aukeratu ditu argazkiok eta Aretxabaleta izatea protagonista gura izan du. Hala, herriko bazterrak –kanpandorrea, Herriko Plaza, kaleak…– inguruko hainbat auzo –Galartza, Urkulu ingurua…– eta paisaia –Kurtzebarri, basoa…– aukeratu ditu eta urtaroaren arabera antolatu. Hori bai, abuztuan hondartzako argazkia sartu du "oso gustuko duelako Laida".
Baten batek jaso ez badu egutegi hori Arkupe kultur etxean dauzkate, debalde.