Bata bestearen alboan, iladan, eseritako omenduei dantzariek egin zieten ongietorria. Gero Basotxoko erretiratuek osatutako abesbatzak Zorionak desiatu zien guztien izenean, eta omenaldi ekitaldia bukatzeko opariak jasotzeko unea iritsi zen. Kaxa handiak banatu zizkieten eta harrituta geratu ziren aurten 90 urte egindako bazkideak. Senideak izan zituzten lagun guztiek –seme-alabak, ilobak...– eta jendetza elkartu zen egoitzan. Trikitilariek girotuta hartu zuten guztiek txokolatea Santa Luzia eguneko ospakizuna bukatzeko.