Mikel Martinez aktoreak komedia giroko bakarrizketa eskainiko du bihar, eguaztena. Patxo Telleriak eta Jokin Oregik idatzitako testua dauka oinarri antzezlanak eta bakarrizketa izan arren, hiru pertsonaia egingo ditu Martinezek. Osasun publikoa eta negozioa gai dituen lana barrea sorrarazteko idatzia izan dela diote egileek, eta era berean, ukitu "basatia" duela.
Egubakoitzean, ostera, euskararen aldeko aldarrikapena irakurriko dute Herriko Plazan (18:00) eta argazkia atera ondoren, txistorra mokadutxoa jatera joango dira udaletxe zaharrera trikiti doinuak eta kantuak lagun.
Gaztelekuan ere ekitaldiak
Atxagazte gaztelekuko kideek ere ospatuko dute Euskararen Eguna. Hona iragarri dituzten ekitaldiak:
- Abenduak 2, eguena: pankartak egingo dituzte gaztelekuan, herrian zehar jartzeko
- Abenduak 3, egubakoitza: jai berezia Herriko Plazan: haurrendako aurpegi margoketa, txokolatada, hankapaloak, musika…
- Abenduak 4, zapatua: irrati tailerra, gaztelekuan
- Abenduak 5: zinema euskaraz, gaztelekuan