Aparteko egitaraua antolatu dute herria girotzeko helburu horrekin.Urkulu aldera irteera eginda emango diote hasiera egunari (09:30, Herriko Plaza), eta itzulitakoan (12:30) udaletxe zaharrean elkartuko dira jaiari ongietorria egiteko. Gaitari eta txalapartariak izango dituzte lagun orduan, eta txikiteoa egingo dute gero.
Bazkaltzeko elkartuko dira eguerdian (14:30), Mitarte plazako lokal batean. Eta arratsalderako "eskandalua" iragarri dute Elektrotxarangarekin. Gau partea girotzeko kontzertua izango da Iturrigorri pilotalekuan. Hona taldeak: Kaleginez (Sakana); Disorders (Zaldibar); eta Never Surrender (Arrasate). Sarrera 3 euro da eta taberna jarriko dute bertan.