Zabalik dago Urkulu lokutorioa

Joan den zapatuan zabaldu zuten Mitarte kalean dagoen Urkulu lokutorioa eta gozo-denda. Arrasaten bizi den Ahmed marokoarra da ugazaba eta telefono eta Internet zerbitzuak eskaintzen ditu.

Zerbitzu zabala eskaini gura du eta oraingoz, 08:00etatik 21:00etara dauka zabalik egunero: "Proba egingo dut ordutegi horrekin, eta gero ikusiko dugu zelan moldatu". Gainera, egunkari eta aldizkariak ere saldu gura ditu: "Horretarako, baina, diru asko aurreratu beharra dago". Gozokiak eta jatekoak ere badauzka Ahmedek.

Lokutorioetako telefonoekin arazo teknikoak izan ditu egunotan, "martxan badabiltza baina nik ezin dut jaso zenbat denboran dagoen jendea berbetan". Lehenbailehen konpondu gura du arazoa eta zerbitzu zabala eskaini herritarrei. Ordenagailu asko jarri ditu, gainera, Interneten ibiltzeko.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.