Ekainean hain zuzen elkartu ziren lehenengoz Basotxoko bazkideak Inaxio Garro alkatearekin, eta kezkak, iritziak eta iradokizunak helarazi zizkioten. Horiei erantzutera dator orain.
Nagusien kolaborazioa
Eztabaida mahaiak abian jartzearen helburua argi daukate Basotxon: kideen arteko elkarrizketa lantzea;Udalak nagusien gainean duen iritzia jakitea; Udalak egin duenaren eta aurrera begira dituen proiektuen berri izatea; proiektu horien gaineko nagusien iritziak jasotzea…
Ekaineko batzarrean jasotako iritzi eta kontuak erantzungo ditu oraingoan alkateak, eta hausnarketarako bide berriak zabalduko ditu. Gero, eztabaida mahaietan jardungo dute esandako guztiaren gainean, eta iradokizunak egingo dizkiote. "Nagusion laguntza, nagusion kolaborazioa garrantzitsua izan behar da Udalarendako, hori erakustea da gure helburua", argitu dute Basotxo elkarteko zuzendaritzako kideek.