'El Torbellino' toreatzaile eta boxeolariaren gaineko erakusketa, gaur hasita

Gaur hasi dugun urrirako ekitaldi asko eta erabat ezberdinak antolatu ditu Kultura Sailak Arkupen, tartean 'El Torbellino' toreatzaile eta boxeolari aretxabaletarraren gaineko erakusketa eta gerra zibileko kontuak jaso dituzten 'Malko gorriak' DVDaren aurkezpena.

Udal argazki artxiboak antolatu du Angel Fernandez El Torbellino-ren gaineko erakusketa eta toreatzaile eta boxeolari sasoiko argazkiekin batera ringa jarri dute erakusketa aretoan, baita toreatzaile jantzia ere.

Bestalde, kirolaren gaineko berbaldia dago datorren eguenean (19:00) Zaraia aretoan. Ane Remedios eta Ane Coranti adituek ¿Te conviene el deporte que practicas? hitzaldia eskainiko dute.

Hash eta Motxila 21 taldeak

Ikus-entzunezkoei dagokienez, bi izango dira: Miguel Hernandez poetari eskainitakoa, Miguel Hernandez 100 años de presencia, Jose Andres Alvaro Ocarizen eskutik hilaren 14an; eta Malko gorriak DVDaren aurkezpena, 21ean. Gerra zibila gurean zelan bizi izan zen jaso dute ikus-entzunezkoan eta filma bota aurretik oroimenaren autobusa egongo da.

Musikaren tartea bi taldek beteko dute: Hash taldearen kontzertuak, hilaren 9an; eta Motxila 21 taldearenak, 16an.

Zinemaren itzulera

Umeedako ikuskizunei dagokienez hiru izango dituzte: Malas Compañias taldeak eskainita Ukelele jauna, hilaren 10ean; Elsa Pamparacuatro ipuin kontalariaren eskutik Euskal Herriko leiendak, 23an; eta Gari, Montxo eta Joselontxo pailazoen Konfetti ikuskizuna, hilaren 24an.

Hilabete bukaeran zinema itzuliko da Zaraia aretora. 80 egunean emango dute zine klubaren barruan, hilaren 28an; Centurion, urriaren 29, 30 eta 31n; eta Toy Story3 umeendako, hilaren 31n.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.