Zuhaitz Errasti presoari ongi-etorria egin zioten barikuan

Zuhaitz Errasti preso aretxabaletarra espetxetik irten da. Bariku gauean ongi-etorria egin zioten Mitarten. 150 lagun inguru elkartu ziren han. Dantzariek aurreskua eskaini zioten.

Zuhaitz Errasti eguaztenean espainiaratu zuten eta Madrileko Entzutegi Nazionalean deklaratu ondoren, epaileak aske utzi zuen barikuan. 2005eko uztailaren 28an atxilotu zuen polizia frantsesak, ETAko kide izatea egotzita.

Entzutegi Nazionalean Errastiren aurkako bide judizial bat irekita dago "terrorismo gorazarre" egiteagatik. Azaroaren 26an epaituko dute. 18 hilabeteko kartzela zigorra eskatzen du fiskalak.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.