Africa, ¿estás ahí? filma emango dute gaur Arkupen (19:00) eta ondoren horren gainean jardun Ekologistak Martxan taldeko kideak eta ikusleak.
Eta Aste Berdea bukatzeko zabor batzea egingo dute domekan Urkulun. Ikastetxeekin elkarlanean antolatu du Ingurumen Sailak eta herritar guztiei egin diete dei parte har dezaten. Iraeban baserri alboko aparkalekua izendatu dute elkartzeko gune (10:30); gero hiru taldetan banatu eta urtegi inguruko zaborra jasotzera joango dira.
Zabor hori Herriko Plazara jaitsiko dute herritarrek ikus dezaten (13:00), eta mokadutxoa egongo da lanean jardundakoendako. Alkateak jakinarazi du "Urkuluko erabiltzaileen kontzientzia piztu" gura dutela ekimen horrekin.