Izena bi tokitan eman daiteke: Gazteria Zerbitzuan –astelehen eta eguaztenetan, 09:00-13:00 eta 15:00-17:00– edo kultura etxean –martitzen eta eguenetan, 09:00-13:00 eta 15:00-17:00–. Argibideak eskatzeko ere bertara jo. Epez kanpoko izen ematerik ez dutela onartuko jakinarazi dute antolatzaileek.
Uztailaren 2tik 23ra bitartean egingo dituzte udalekuak eta 4 eta 12 urte arteko neska mutikoak elkartuko dira hiru astetan (10:00-12:30 eta 15:00-17:00) jolastu, irteerak egin eta ondo pasatzeko asmoarekin.
Begiraleen curriculumak
Antolatzaileek gogorarazi dute udalekuetako ume horien begirale izan gura duten gazteek maiatzaren 7a bitartean dutela epea curriculumak Gazteria Zerbitzura bideratzeko: gazteria@aretxabaleta.net.