Zabalik udaleku irekietan izena emateko epea

Atzo, hilak 28, zabaldu zuen Gazteria Zerbitzuak uztaileko udaleku irekietan izena emateko epea. 1998 eta 2006 urte bitartean jaiotako neska-mutikoek parte har dezakete aurten eta interesatuek maiatzaren 15a bitartean eman behar dute izena.

Izena bi tokitan eman daiteke: Gazteria Zerbitzuan –astelehen eta eguaztenetan, 09:00-13:00 eta 15:00-17:00– edo kultura etxean –martitzen eta eguenetan, 09:00-13:00 eta 15:00-17:00–. Argibideak eskatzeko ere bertara jo. Epez kanpoko izen ematerik ez dutela onartuko jakinarazi dute antolatzaileek.

Uztailaren 2tik 23ra bitartean egingo dituzte udalekuak eta 4 eta 12 urte arteko neska mutikoak elkartuko dira hiru astetan (10:00-12:30 eta 15:00-17:00) jolastu, irteerak egin eta ondo pasatzeko asmoarekin.

Begiraleen curriculumak

Antolatzaileek gogorarazi dute udalekuetako ume horien begirale izan gura duten gazteek maiatzaren 7a bitartean dutela epea curriculumak Gazteria Zerbitzura bideratzeko: gazteria@aretxabaleta.net.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.