Parrokiatik Santutxuko ermitaraino doan Otalora kaleak itxura guztiz berritua dauka. Saneamendu lanak aprobetxatuta kalea goitik behera berritzea erabaki zuen aurreko agintaldiko udalbatzak. Hala, lehenengo zatiari gatzada-harria jarri diote, eta eserleku, farola, eta lorontzi berriak. Urtebete itxita egon ostean zabaldu dute, eta norabide bakarra jarri diote: Arrasatetik Aretxabaletara sartzeko izango da, bai automobilak, bai autobusak.
Otalora kalea, baina, oraindik ez dago guztiz bukatuta. Azken faseko lanak egiten dabiltza orain, musika eskolatik Santutxuko ermitara bitartean, eta abendu bukaerarako amaitzea aurreikusita daukate. Bien bitartean pazientzia izan dezatela bertatik pasatu behar duten automobilek.