Ertzaintzak kaleratutako prentsa oharra
"Gertakaria atzo (osteguna) gaueko hamar eta erdiak jotzeko minutu gutxi
falta zirela jazo zen, Aretxabaletako (Gipuzkoa) etxebizitza batean.
Ertzaintzak egindako lehen ikerketen arabera, jazoera etxeko sukaldean
gertatu zen, bi anaiaren arteko eztabaida baten ondorioz. Zerk eragin
zuen oraindik ez dakitela, eztabaidan ari zirela gizon horietako batek
aizto bat hartu zuen eta ustez hainbat aiztokada eman zizkion anaiari.
Biktima (40 urte) hil egin zen, pairatutako lesioen ondorioz.
Gertakariaren
berri izan ostean, EAEko Poliziaren agenteak etxebizitzan bertaratu
ziren eta jazoeraren ustezko egilea, biktimaren anaia (39 urte),
atxilotu egin zuten, giza hilketaren delitu bat egin izana egotzita.
Eginbide
judizialak burutu ostean, gorpua Donostiako Auzitegiko Patologia
Zerbitzura eraman zuten, autopsia egiteko. Bestalde, atxilotua polizia
egoitza batera eraman zuten, epailearen esku utzi aurretik egin
beharreko eginbideak burutzeko. Ertzaintzak ikerketa zabalik du,
gertakaria argitze aldera."
Familiak gezurtatu egin du haserrealdirik izan zela
Familiak azaldu duenaren arabera, ustezko hiltzaileak buruko gaixotasuna dauka eta horrek eragin ziezaiokeen horrela jokatzea. Gaineratu dute ez zela eztabaidarik egon. Hildakoa 40 urteko Aitor Bengoa aretxabaletarra da.