Petanka jokoaren antza duen kirol paralinpikoa da boccia. Lau kategorietan dago banatuta, lehen hiruretan burmuineko paralisia dutenek jokatzen dute eta azkenekoan, ezintasun fisiko larriak dituztenek. Proba batzuk bakarka jokatu zituzten eta beste batzuk bikotearekin. Hala, urrea eskuratu zuten Dordoka elkarteko Hector Prieto eta Yolanda Martinek BC3 kategorian –laguntzarekin eta kanaleta baten bitartez botatzen dituzte bolak–. Yolanda Martinek brontzezko domina ere lortu zuen bakarka.
29 elkarte izan ziren Avilesen jokatutako txapelketan eta 100 boccia jokalari baino gehiago elkartu ziren.