Urkuluko bidegorriak dituen zartadurak aztertzen dabiltza

Goroeta auzoko Deisaotz baserri alboan daude zartadurok, bat baserrira iritsi baino lehen eta bestea pasatu eta gero. Errepideko lurrak behera egin du, eta oinezkoen bidegorria apurtuta geratu da.
Udaleko Hirigintza Saileko teknikariak azaldu digunez arazoa aspaldikoa da. Izan ere, urtegia egin zutenean Deisaotz inguruko errepidea lurrez betetako hutsunearen gainean jarri zuten. Horregatik konpontzen hasi aurretik azterketa geoteknikoa egin dute harkaitza zenbat metrora dagoen jakiteko. Eta lurraren ezaugarriak aztertu dituzte eusteko zer egin erabaki eta behin betiko konpontzeko.
Azterketa geoteknikoa egiteko asmoa Udalak bazuen ere, azkenean, ur kontsortzioak egin du. Baina oraindik ez dute erabaki konpontze lanak zeini dagokion egitea: Udalari, Aldundiari edo ur kontsortzioari.