Azaroan gurasoendako formazio saioak izango dira Arkupe kultura etxean. Horien bidez gurasoei informazioa eskaini nahi diete, egunerokotasunean gerta daitezkeen jarrerak bideratu ahal izateko eta umeek eta nerabeek bizi dituzten hainbat egoera hobeto ulertzeko.
0-16 urte bitarteko seme-alabentzat
Formazio saioak 0-16 urte bitarteko seme-alabak dituzten gurasoei zuzenduta daude. Gizarte langile eta hezitzaile Loredi Salegi arduratuko da horiek eskaintzeaz. Tratatu behar diren gaietan aditua da Salegi; Gizarte lana familia izeneko masterra du, besteak beste.
Martitzenetan
Eskolak martitzenetan izango dira; 18:00etatik 19:30era, eta azaroaren 4an hasiko dituzte. Egun horretan, haurrei mugak zelan jarri eta portaera arauak zelan irakatsi azalduko die Salegik gurasoei. Azaroaren 11n, nerabezaroa eta agresibitatearen gainean jardungo dute eta astebete beranduago, azaroaren 18an, haurren garapenean agresibitateak duen tokia izango da berbagai. Azaroaren 25ean, azkenik, nerabezaroaz eta Internetez eztabaidatuko dute. Saioak praktikoak eta teorikoak izango dira.