Ezker Batua-Berdeak alderdiko Tomas Fernandez zinegotziak zera azaldu du: "Udal gobernuaren kudeaketak norabide egokia hartu du, EB-Berdeen proposamen asko onartu dituztelako, hain zuzen Aretxabaleta gizartekoiagoa, justuagoa eta solidarioagoa lortzeko".
Hala, azaldu du berdintasun plana eta diagnostikoa egiteko 19.000 euro jaso direla aurrekontuan EB-Berdeei esker, eta 6.000 euro Kurtzebarri eskolarako. Gainera, pozik dago Fernandez: "Gizarte proposamen batzuk sartzea lortu dugulako", kirol etxe berrian erretiratuak debalde sartzea aztertzea, esaterako. "Gehiago egin zitekeen", gaineratu du, eta kultura etxe berriko kudeaketa kontratatzearekin ez datorrela bat argitu du: "Zerbitzuaren eta lanpostuen kalitatearen eskasia dakarrelako".