Zuzendaritza batzordeak bi urte bete ditu eta batzorde horretako kideak berritzeko asmoarekin hauteskunde prozesua zabaldu dute. Batzorde horrek etorriko den talde berriaren helburuak ez ditu baldintzatu gura; horregatik, prozesuaren kudeaketa ahalik eta onena izateko asmoarekin, kide guztiek dimisioa aurkeztu dute eta zuzendaritzako kargua utzi.
Zuzendaritza batzorde berria eratu bitartean, hauteskunde garaia kudeatzeko eta UDAren eguneroko jarduna aurrera eramateko, batzorde kudeatzailea eratu dute, eta orain kargua utzitako ondoko kideek osatu dute:
- Jon Arriola
- Agurtzane Elkoro
- Juan Mª Enekotegi
- Angel Mª Etxabe
- Galo Sanchez
- Angel Zubillaga
Hauteskunde kanpaina
Hauteskunde kanpaina jarri dute abian orain, eta apirilaren 3a bitartean aurkez daitezke UDA zuzendu gura duten hautagaiak. Estatutuek 41. atalean honakoa esaten dute: “Hautagaiak zerrenda itxi eta aldaezinen bitartez aurkeztuko dira. Zerrenda bakoitzean agertuko den hautagai-kopurua zuzendaritza batzordeko kideen kopuru bera izango da (5). Horrez gain, gutxienez beste bi hautagai aurkeztuko dira ordezko gisa.”
Hautagai zerrenda bat baino gehiago aurkeztuz gero, boto gehien jasotzen duen zerrendako hautagaiak izendatuko dituzte zuzendaritzarako, eta presidente, ostera, zerrenda-burua.
Kandidaturak, Aretxabaletako 10. posta kutxatilara bidali behar dira.