Hiru talde egin dituzte adinaren arabera, eta bakoitzean beste bi azpitalde. 4 eta 5 urtekoendako eta 6 eta 7koendako, igeriketa, ur jolasak eta psikomotrizitatea egongo dira goizean, eta igeriketa, patinaje eta minitenis ikastaroak arratsaldean.
8 eta 9, eta 10 eta 11 urtekoei multikirola eskaini diete: tenisa, ur jolasak, futbola, pilota, patinajea, herri kirolak, badminton… Eta gainera, bakarkako ikastaroak izango dituzte: igeriketa, tenisa, patinajea eta batuca.
12 eta 13, eta 14 eta 15 urtekoek hainbat ikastaro izango dituzte aukeran: patinajea; aerobic; batuca; piragua, Urkulun; eta tenisa, padela eta skatea, Arrasaten.
Lau txanda aukeran
Lau txanda egongo dira aukeran, hau da, astero bat, eta gura beste txandetan eman ahal izango dute izena. Kirol sailak jakinarazi du egitarauko orduek aldaketak jasan ditzaketela ikasleen eskaeretara egokitzeko. Izena emateko azken eguna ekainak 19 da, eta kirol etxera deitu behar da.