Aretxabaletak puntuak behar ditu lehenbailehen sailkapeneko zulotik irteteko. gaur beste aukera bat galdu du Durangoren kontra. Hasierako 15 minutuetan galduta ibili dira, eta konturatu orduko bizkaitarrek bi gol egin dituzte. Durango 0-2 aurreratu da 20. minutuan. Orduan bukatu da partidua.
Bigarren zatian Aretxabaletak gol bat egin arren, ez du indarrik izan berdinketa lortzeko. Ahalegindu arren motel ibili dira. Puntuak lortzeko beste final bat jokatuko du eguaztenean UDAk Basconiaren kontra Bilbon, 20:00etan.
Etsita bukatu dute aretxabaletarrek partidua. "Etorkizuna oso ilun ikusten dut. Puntuak behar ditugu, baina taldea ez dago sasoi onenean. Liga bukatzeko sei jardunaldi falta dira, baina ez dakit maila mantentzea lortuko dugun", esan digu Igor Gordobil entrenatzaileak.
"Gauza asko egin ditugu gaizki"
Txapelketa bukatzeko sei jardunadiren faltan kontuak egiten hasteko momentua da. Bigarren B mailatik jaitsiko diren taldeen zain, ez dakite ziur zenbat taldek galduko duten maila. "18 puntu geratzen dira,baina karanbola asko egon behar dira gure alde".
Aretxabaletak denboraldia oso ondo hasi zuen. Puntu asko batu zituen, eta sailkapeneko gorengo tokietan egon zen. Baina... "Nik uste dot gauza asko oso gaizki egin ditugula. Hasierako puntuak ez ditugu ondo kudeatu. Gainera, errefortzuak eskatu genituen, baina ez ziren heldu", esan digu Gordobilek.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
