Datorren denboraldiari begira, UDAk kirol elkartea bazkide berriak lortu gura ditu eta horretarako kanpaina abiarazi berri du. Egubakoitzero, 19:00etatik 21:00etara, Durana kalean mahaia jartzen dute; domeketan, berriz, Loramendin egoten dira kirol elkartekoak, 12:00etatik 14:00etara.
Bestalde, kirol elkartekoek azaldu dute futbol eskolan apuntatzeko epea zabalik dagoela. 1999 eta 2000 urteko taldeak eginda badaude, orain ume berriak apunta daitezke horietan. 2001. urtekoei dagokionez, talde berria sortzekotan daudela adierazi dute. Hona hemen interesa dutenek aurkeztu behar dutena: haurraren izen-deiturak, jaiotze-data, helbidea, telefonoa eta kontu korronteko zenbakia.
Hiru modu daude esandako datuak aurkezteko: herriko Mapfreko bulegoan utzita, UDAko juntako edozeini aurkeztuz edo 677 56 74 78 telefono zenbakian emanda.
Batzar nagusia
Azkenik, kirol elkartekoek gogorarazi dute batzar nagusia egingo dutela laster. Zehazki, uztailaren 10erako, egubakoitza, deitu dute hori.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
