Azken hilabeteotan antolakuntza lanetan ibili eta gero –guraso, ikasle eta irakasleak– gertu daukate guztia bihar, apirilak 19, Udaberri jaia ospatzeko. Ohiturari jarraituz bildotsa izango dute bazkaltzeko, eta ia 300 lagun elkartuko dira. Giro bikaina sortuko dute Basabeazpi inguruan, eta Argitxo eta jaialdiko maskota den Kukua izango dituzte lagun umeek.
Hona egitaraua:
- 09:30ean, Porrukotxara basora irteera.
- 11:30ean, umeendako eta gurasoendako jolasak.
- 13:00etan, trikitilari eta buruhandiekin kalejira.
- 14:00etan, bazkaria (eguraldi onarekin Iralabarri plazan; txarrarekin Basabeazpin).
- 16:00etan, umeendako tailerrak.
- 16:30ean, umeendako ipuin kontaketa; gurasoendako, antzerkia eta ikus-entzunezkoa.
- 17:30ean, jaiari bukaera txokolate beroarekin.