Sare sozialak ezagutu eta beste hainbat ikastaro egiteko arratsaldetan dago zabalik Markole auzoan dagoen KZgunea apirilean (16:00-20:00). Hona egingo dituzten ikastaro batzuk: Interneten gainekoa, astelehenean hasi eta hilaren 30era artean (18:00-20:00); Google Maps zelan erabili jakiteko, martitzenean (16:00-18:00); eta Twitter sarearen gainekoa, hilaren 26an (16:00-18:00).
KZgunean, gainera, Izenpe txartela eta ONA txartela eskura daitezke, administrazioarekin eta hainbat erakunderekin gestioak egiteko oso baliagarriak. Eta bi txartel horiek erabiltzen erakusteko ikastaro bereziak eskainiko dituzte (bi ordukoak). Aitor Madrid dinamizatzaileak jakinarazi du ONA txartela apirileko egubakoitzetan bakarrik lor daitekeela (16:00-18:00).
Gainera, IT txartela eskuratzeko azterketak egongo dira egunotan. Argibideak gura dituenak KZgunera dei egin dezala (943 25 23 51) edo mezua bidali –tutor.aretxabaleta@kzgunea.net–.