100 urtean behin gertatzen dena gertatuko da aurten, Aratuste-domeka Santa Ageda eguna baino lehen izatea. Hala, Santa Ageda mutilak Aratuste-domeka pasatu eta gero joan beharko lirateke kantuan eta eskean. Herritar batzuk diote urteko domeka guztietan egin beharko luketela dantzan hurrengo urteko Aratuste-domeka iritsi arte.
Kontuak kontu, 1989an jaiotako kintoek erabaki dute otsailaren 2an, Aratuste-domeka bezperan, joatea santa eskean baserrietara. 06:30ak inguruan atera eta Kurtzebarri azpian dauden auzoetan batuko dute goiz partean. Bazkalostean Apotzagaetxebarri, Galartza eta Izurietara iritsiko dira. Gainera, ez dira mutilak bakarrik ibiliko, neskek ere hartuko dute parte aurten, bai eskean, bai dantzan egiteko orduan.
Domekan, ostera, dantzan egitea dagokie. Eguerdian Txino dantza egingo dute Durana kalean, eta arratsaldean, agurra, banakoa eta gainerakoak, Herriko Plazan. Eta Aratuste-martitzena Santa Ageda eguna ere bada, hortaz, berriro egingo dute dantzan Herriko Plazan.
Zapatuan, otsailak 2, joango dira Santa Ageda neska-mutilak baserriz baserri kantuan eta eskean. Aratuste-domekan, Txino dantza egingo dute eguerdi partean, eta Santa Ageda dantza, arratsaldean. Martitzenean ere egingo dute dantzan, Herriko Plazan.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak