Helduek hiru buelta
Domekako hitzordua udaletxe parean da. Hiru lasterketa egingo dituzte bertatik hasita eta adinaren arabera banatuta (10:30): 8 urte artekoak; 8 eta 12 urte artekoak; eta helduak. Hona helduek egingo duten ibilbidea: Herriko Plaza; Errekabarren kalea; Andramari auzunea; Mitarte kalea; Santa Kurtz kalea; Otalora kalea eta Herriko Plazan helmuga. Ibilbide horri hiru buelta eman beharko dizkiote helduek, 4.500 metro inguru; gaztetxoek, ostera, ibilbide motzagoak izango dituzte.
Lasterketa horietarako dortsalak dagoeneko salgai dituzte La Caixan 3 euroren truke. Egunean bertan ere izena eman ahal izango dute, korrikalariek hasiera puntuan jarritako mahaian, eta dortsalak erosi (10:00).
Giza eskubideen aldarria
Iesbaa elkarteak ekitaldian parte hartzera animatu gura ditu herritarrak, giza eskubideen aldeko aldarria delako: "Herri sahararra 35 urtean bananduta bizi izatera behartu dute, giza eskubideak errespetatu barik".
Era berean, diruz lagundu gura duten herritarrek kontuak dituzte zabalik La Caixan eta Euskadiko Kutxan.