Sahararen aldeko kroserako dortsalak salgai daude

Saharari laguntzea helburu duen Iesbaa elkarteak II. Sahararen Aldeko Are-Krosa antolatu du. Dortsalak dagoeneko salgai dituzte La Caixan, 3 euroren truke.

Maiatzaren 9an, zapatua, egingo dute Herriko Plazatik irtenda (18:30) eta sei kilometro izango dira. Lasterketa, baina, ez da izango eguneko ekitaldi bakarra. Goizean (11:00) cous-cous jakia zelan gertatu ikastaroa egingo dute Urbaltz elkartean. Eta gero bazkaltzera geratuko dira guztiak. Ikastaroa 10 euro izango da.

Begirale bila udarako

Bestalde, Iesbaa eta Nubi elkarteek begiraleak behar dituzte Argeliako Tindouf herriko errefuxiatuen kanpamenduetatik etorriko diren umeekin egoteko. Ume horiek bi hilabete pasatuko dituzte Lasturren (Deba) eta egonaldian lagun izateko boluntarioak behar dituzte. Bakoitzak ahal duen denbora ematea nahikoa dela diote antolatzaileek eta esperientzia berria bizi izango dutela iragarri. Interesatuek elkarteetako arduradunekin egin dezatela berba (626 63 91 64 edo 685 72 48 17) edo iesbaa@gmail.com helbidera idatzi.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.