Oporrak Bakean programa jarri dute abian aurten ere Sahararen aldea lanean dabiltzan eskualdeko elkarteek. Saharako umeek uztaila eta abuztua gure artean pasatzea du helburu programak.
Gure herrian Iesbaa elkarteak egin du umeak hartzeko deia, eta jakinarazi digu umeek dituzten osasun arazoetan laguntzea dela helburua: "Mediku azterketa egiteko aukera eskaintzea gura dugu, eta bi hilabetetan elikadura orekatua izatea", dio Iesbaako arduradun den Olaia Sagredok. Gainera, Tindufeko errefuxiatuen kanpamenduetan 55ºC arteko tenperaturak izaten dituzte uda partean.
Horretarako, baina, herritarren laguntza behar dute umeok etxeetan hartzeko. Horren berri emateko berbaldia egingo du Iesbaa elkarteak martxoaren 22an, eta Arantza Gurmendi aktorearen dokumentala eskainiko du.
Hala eta guztiz baten batek argibide gehiago gura izanez gero edo umea hartzeko izena eman, hona telefono zenbakia: 626 63 91 64.