Sugea osatu beharko dute patinen gainean egongo diren partaideen artean batak besteari gerritik helduta, eta asmoa da 500 metroko ibilbidea egitea plazaren inguruan.
Orain dela bi urte hasi zen Arizmendi ikastola Patin Sugea antolatzen. Urkulun egin izan dute beti, iaz gainera, izugarrizko ekaitza suertatu zitzaien pare-parean eta bertan behera utzi zuten. Aurten, baina, Aretxabaletan egitea erabaki dute: "Ume eta gaztetxoak gero eta gehiago direla konturatu gara, eta erosoagoa izango da herrian bertan, egitea", dio Xabin Arriola antolatzaileak. Gainera, euria eginda ere Iralabarri plazako arkupetan egingo dute.
Ez dute helbururik jarri antolatzaileek, baina 35 lagunetik gora elkartzea gurako lukete –orain dela bi urte baino gehiago– eta urtero gehiago izatea.