Gaur, domeka ospatu dute Otala Zelaiko Eguna Aretxabaletan. Eguraldi paregabea lagun, ehunka lagun batu dira bertan egun pasa ederra egiteko asmoz. Antolatzaileak gustura, bai paella lehiaketak izandako harreragatik, eta baita ere, Herri Krossaren parte hartzeagatik.
Paella koloretsu eta ikusgarriak ere ez dira falta izan. Guztira, 19 parte hartzaile izan ditu Otala Zelaiko paella lehiaketak. Zapore eta kolore askotariko paellak egin dituzte. Bi taldetan banatu dituzte parte hartzaileak epaileen lana arintzeko asmoz. A taldean, Fernando Retegik eskuratu du lehen saria. B taldean, berriz, Koldo Zubillagaren paellak irabazi du. Biek 100 euroko saria eskuratu dute.
