Odol ateratzea egingo dute gaur

Arabako odol bankuko arduradunek jakinarazi dute hemendik aurrera astelehenetan beharrean egubakoitzetan etorriko direla Aretxabaletara odola jasotzera. Hala, gaur da lehen eguna, eta hurrengoak urriaren 9an eta 14an izango dira, azken hori eguaztena (16:15-20:00).

Urtean hiru edo lau aldiz etortzen dira odola ateratzera herritarrei. Ramon Eraña da Aretxabaletako arduraduna eta jakinarazi du, poliki-poliki bada ere, gora doala odola emateko joera gurean: "Urtean 120-130 herritarrek ematen dute, eta azken hilabeteotan bost bat lagun gehiago ditugu".


Bestalde, jakinarazi du ez dagoela adin mugarik (18 urtetik gora) osasunez ondo egonez gero. Eta gazteak animatu gura ditu 18 eta 25 urte artekoak direlako gutxien doazenak.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.