Nafarroa ezagutzera ematen duen erakusketa dago Arkupen

Nafarroa gustuko duena Arkupera joan daiteke egunotan. Hango eskaintza turistikoa eta gastronomikoa ezagutzera ematen duen erakusketa dago han. Irailaren 30era arte egongo da ikusteko aukera.

Navarra a la Carta izeneko erakusketa goizez eta arratsalde bisita daiteke: 11:00etatik 13:00etara eta 18:00etatik 20:00etara bitartean.

Erakusketa izen bereko liburuan oinarrituta dago. Patxi Uriz argazkilariak Nafarroako patrimonio naturala, historikoa, kulturala eta gastronomikoa azaltzen ditu irudi ederren bidez. Azken horren harira, erakusketan hain ezagunak diren produktuen gaineko informazioa ematen da, errezeta eta guzti.

Arkupera joaten direnek, gainera, eskaintza turistiko eta gastronomikoaren inguruko ikus-entzunezkoak ikusiko dute.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.