Jakina denez, Mitarte kaleko proiektu hori Gobernu espainiarraren Tokiko Inbertsiorako Estatuko Fondoaren diru laguntzarekin egingo da; horretarako, 793.916,47 euro bideratzea aurreikusi du.
Esan bezala, hornidura eta saneamendu berriak jarriko dituzte eta lur azpiko azpiegiturak egokituko dituzte. Azken horren harira, besteak beste, ur hornidurak, argindarraren sarea, gasaren sarea eta telekomunikazioak berrituko dituzte. Argiteria, hiri-altzariak, seinaleztapen-sistema eta lorategiak ere aldatuko dira.
Maila berean
Gainera, Mitarteri Durana eta Olatolara kaleek duten itxura berdintsua emango diote galtzada-harria erabiliz; eta kalea funtzionalagoa izan dadin, espaloia eta errepidea maila berean jarriko dute.
Inaxio Garrok jakinarazi du modu horretan oinezkoendako espazioa handitzeaz gain, kale horretako merkataritza sustatu eta iraunkortasuna bultzatu gura dutela espaloia eta errepidea maila berean jarrita.
Udalaren aurreikuspenak betetzen badira kale horretako obrak apirilean hasiko dira eta abendura arte luzatuko dira.