Helburu bi ditu abian jarritako kanpaina horrek. Batetik, herritarren hausnarketa eragin gura dute; zein hizkuntzatan kontsumitzen duten, lehen berba zein hizkuntzatan egiten duten… galderak jaurtita: "Pentsatu duzu inoiz zurea dela lehenengo hitza eta zuk zeuk egiten duzula bidea?".
Eta bestetik Udalak merkatariei eskaintzen dizkien laguntzen berri jaso dute: testuen itzulpen eta zuzenketak; diru-laguntzak; merkataritzan erabiltzeko ereduen euskarazko bertsioak (fakturak…) eta beste hainbat.
Kanpainak hainbat pauso izango ditu, gehienak herritarrei bideratuak. Era berean, merkatari-ostalariei hizkuntza alorrean zerbitzua emateko bide berriak urratu gura dituzte.